Lakror misri me spanaq

Përbërësit:

• 1kg miell misri
• 1L ujë
• 2 lugë gjelle kripë
• 250 gr gjalpë
• 1 kg spanaq
• 1kg.  kos
• 1 vezë

  This slideshow requires JavaScript.

Përgatitja:

Në një tenxhere e vlojmë ujin me kripë dhe 100gr. gjalpë. E largojmë tenxheren nga zjarri, e hedhim miellin e misrit duke e përzier vazhdimisht dhe brumin e fituar e lëmë të ftohet. Spanaqin të pastruar dhe të grirë e ndrydhim me një lugë kripë, ia shtomë një vezë,disa lugë kos, disa qepurka sipas dëshirës dhe ashtu e bëjmë gati për lakror. Gjysmën e brumit e shtrojmë në tëpsi të lyer me yndyrë, hedhim disa lugë gjalpë të shrirë, e hedhim spanaqin e përgatitur dhe mbi të e shtrojmë gjysmën e mbetur të brumit.  Para se ta fusim në furrë të nxehur mirë, lakrorin e spërkasim me yndyrë dhe e pjekim afër një orë ne temperaturë maksimale. Lakrorin e skuqur e nxjerim nga furra, ia hedhim kosin dhe e kthejmë në furrë të ndalur për 10 min.